Сүхбаатар аймгийн ЭМГ
Эрүүл амьдрал Урт наслалт
Товч мэдээлэл
Мэндчилгээ
Сүхбаатар нутгийнхаа ард иргэдэд Монгол Улсын тогтвортой хөгжлийн үзэл баримтлал, төрөөс хүн амын эрүүл мэндийг дэмжих, хамгаалах талаар баримтлах бодлого, аймаг орон нутгийг хөгжүүлэх бодлогын баримт бичгүүдэд тусгагдсан эрүүл мэндийн зорилтын хүрээнд нийгмийн эрүүл мэндийн болон тусламж үйлчилгээг чанар хүртээмжтэй хүргэхэд сэтгэл оюунаа зориулан ажиллаж буй нийт эмч, эмнэлгийн ажилчид, албан хаагчид та бүхэндээ талархал илэрхийлж амьдралд нь аз жаргал, ажилд нь арвин амжилт хүсэн ерөөе.
Нийгмийн эрүүл мэндийн тусламж үйлчилгээнд суурилсан нотолгоонд тулгуурласан, урьдчилан сэргийлэлтийн болон удирдлагын үр дүнтэй арга хэлбэрийг нэвтрүүлж, гадаад харилцаа, эрдэм шинжилгээний ажлыг сайжруулах, оношилгоо эмчилгээний дэвшилтэт технологи, тоног төхөөрөмж, эмч, ажилчид, эмнэлгийн мэргэжилтний мэдлэг, ур чадвар, хариуцлага ёс зүйг өндөржүүлэх нь эрүүл мэндийн салбарын чухлаар тавигдаж буй асуудал юм.
Иймээс ард иргэд та бүхнийг салбарын хэмжээнд зохион байгуулагдаж буй үйл ажиллагаа, үйлчилгээний талаарх үнэн зөв, шуурхай мэдээллээр ил тод хангах хэрэгцээт мэдээллээр хангах зорилгоор байгууллагын сайтыг шинэчлэн хүргэж байна.
Ард иргэд, үйлчлүүлэгч та бүхнийг манай сайтад хандаж, бидний ажил үйлчилгээний талаар санал сэтгэгдэл, зөвлөмж өгч бидний ажилд хувь нэмэр оруулна гэдэгт итгэж байна.
Сүхбаатар аймгийн Эрүүл мэндийн газрын дарга М.ДЭЛХИЙЦЭЦЭГ