2022-2023 ОНЫ ЭМНЭЛГИЙН МЭРГЭЖИЛТНИЙ ТӨГСӨЛТИЙН ДАРААХ ТӨРӨЛЖСӨН МЭРГЭШИЛ БОЛОН МЭРГЭЖИЛ ДЭЭШЛҮҮЛЭХ СУРГАЛТЫН БҮРТГЭЛ 2022 ОНЫ 09 ДҮГЭЭР САРЫН 08-НЫ ӨДӨР ЭХЭЛНЭ.
Бүртгэх хугацаа: 2022 оны 09 дүгээр сарын 08-18-ны хооронд
Бүртгэх хэлбэр: https://hr.hdc.gov.mn/login цахим хаягаар бүртгэнэ. /Бүртгүүлэх зааврыг “Заавар харах” хэсгээс, нэвтэрч орсон тохиолдолд “Тусламж” хэсгээс харна уу/
Зөвлөмж: Материал дутуу эмч, эмнэлгийн мэргэжилтнийг бүртгэхгүй тул
– Програмд албан хувцастай цээж зураг оруулсан,
– Хүчинтэй буюу хүлээн авсан төлөвтэй лицензтэй байх,
– Хаягаа бөглөсөн,
– Дипломоо хавсралтын хамт хавсаргасан,
– Ажлын туршлага бөглөсөн эсэхээ дахин хянахыг зөвлөж байна.
Дээрх бүртгэлийг бүрэн хийсэн бол Зарлал-Сургалтын зараар дамжин сургалтаа сонгож бүртгүүлэх товчийг дарж бүртгүүлнэ. Эмнэлзүйн сургалт тул зөвхөн ганц сургалтад бүртгүүлэх боломжтой.
Сургалт эхлэх хугацаа: 2022 оны 10 дугаар сарын 03
Жич:
- Төрөлжсөн мэргэшил, мэргэжил дээшлүүлэх сургалтын элсэлтийн шалгалт авахгүй.
- Сургалтад бүртгэгдсэн эмнэлгийн мэргэжилтний нэрс, сургалт эрхлэх байгууллагын хуваарийг 09 дүгээр сарын 28-ны өдөр http://hdc.gov.mn/ цахим хаягт байршуулна.
- Сургалтын төлбөрийн хэмжээ нь ЭМСС, СС-ын хамтарсан 2015 оны 97/56 дугаар тушаалаар батлагдсан зардлын жишгийн дагуу 1 багц цагийн төлбөр нь 16000 төгрөг.
НЭГ. ТӨГСӨЛТИЙН ДАРААХ ТӨРӨЛЖСӨН МЭРГЭШЛИЙН СУРГАЛТЫН ЧИГЛЭЛ
- 1. Их эмч, эм зүйч:
Төрөлжсөн мэргэшлийн сургалтад элсэгч их эмч, эм зүйчэд тавигдах шаардлага:
- Тухайн мэргэжлийн чиглэлээр үндсэн мэргэшлийн сургалтад суралцсан байх;
- Тухайн мэргэшлийн чиглэлээр 1 буюу түүнээс дээш жил ажилласан байх;
- Мэргэжлийн үйл ажиллагаа эрхлэх 5 жилийн зөвшөөрөлтөй байх;
- Анагаах ухаан, эрүүл мэндийн бусад чиглэлээр мэргэшүүлэх болон магистр, докторын сургалтад давхар элсээгүй байх;